أنا فرحت لأننا فعلا عيلة وحدة
بنحب بعض من غير شروط لأن حبنا خالص في الله
و بنفكر في بعض و نحس و نعذر بعض
طب ايه المشكلة الي عندنا؟؟؟
يعني احنا فاكرين الادارة بيقبضوا فلوس على الي بيتعبوه معانا و عاشانا
ولا كنا فاكرين انهم فاضيين و مش عارفين يملوا وقتهم فاختاروا يوجعوا راسهم بمشاكلنا و حكاياتنا
ولا أصلا احنا مش همنا أمرهم و فاكرين ان احنا المسؤولين عنهم مش العكس
طب و الله منغير حتى ما نعرفهم واحد واحد ولا حتى نحس بيهم
يعني احنا لما ندخل المنتدى بنعرف نقرا كل المواضيع و ننظمها؟؟؟؟؟؟
طب بنعرف نعد كل يوم بالساعات و نسيب الدراسة أو الشغل و كل ده مش عشان نكلم بعض و نهزر مع بعض لا؟؟؟؟؟
ده لو لقينا الوقت عشان نرد يبقى بركة
طب نعمل ايه لو احنا كان عندنا مهام الادارة؟؟
احنا كنا فاكرين انهم ما عندهمش غيرنا و عايشين طول الوقت قدام الكمبيوتر؟؟؟؟ ولا ايه؟؟؟؟؟؟
طب لو كده يعني هما حا يتعبوا أكثر و عنيهم تتعب و يمكن راسهم يوجعهم (لا بس احنا لو حصل لنا كده ممكن نقفل على طول و نروح ننام) لكن هما لا.. لو لسه ما خلاصوش ممكن يسهروا عشانا و عشان بيتنا (منتدانا) يفضل سليم لأنها مسؤولية و المشكلة فينا لو ما قدرناش حجم مسؤوليتهم و ما راعيناش ظروفهم و تعبهم لراحتنا وكتييييييير عشان سلامتنا.
و يا ريت كلنا مقدرين......
و ياريت احنا بنساعدهم و نشكرهم لا..... و كمان بنظلمهم و ممكن نشتمهم و نتطاول عليهم
و الله عيب علينا يا جماعة
يعني الادارة في المنتدى زي الوالدين في البيت
بيتعبوا عشانا كتييييييييييير و ممكن ييجي عليهم وقت يتعبوا شوية و يقصروا أحيانا
بس احنا لازم ما نفقدش احترامنا ليهم و لبعض بلعكس لازم نعذرهم و نساندهم
و كمان نكون جنبهم و معاهم ليه لا
ماهو بيتنا زي ما هو بيتهم و لازم يكون غالي علينا كلنا ولا ايه؟؟؟؟ (لو غلط قولولي)
يعني لو كل واحد يراقب مواضيعه بنفسه
و لو فيه مشكلة يصلحها أو اذا لازم يطلب هو بنفس حذف موضوعه. يحصل ايه؟؟؟؟
منتدانا حايكون باذن الله أحسن منتدى....
يلا كلنا نكون مشرفين على مشاركاتنا و مواضيعنا و نراقب نفسنا و نحاسبها و تصلحها و نعترف بأخطائنا
و يا ريت لو عملنا كده من قبل ما نقع في حاجة غلط عشان نتفاداها من الأول
و نحاول نتحمل جزء بسيييييييييييييييط من مسؤولية الادارة و تعبها
يالا نقرر ان احنا مش حانزيد مهامهم أكثر و كله بأجره عند الله لا ينقص من أجورهم شيئا
يمكن ساعتها نتعلم نعذرهم
سامحوني طولت
موضوع: المشكلة في الادارة و لا فينا احنا؟؟؟؟؟؟ 
الأحد يناير 31, 2010 5:05 am
